सोयगाव ग्रामीण रुग्णालयात पंचसूत्री कार्यक्रमांतर्गत आरोग्य शिबीर संपन्न–
प्रतिनिधी संतोष गर्दे
सोयगाव दि.07- जिल्हा शल्य चिकित्सक डॉ.मोतीपवळे व सोयगाव ग्रामीण रुग्णालयाचे वैद्यकीय अधीक्षक डॉ. दिनाजी खंदारे यांच्या मार्गदर्शनाखाली पंचसूत्री कार्यक्रमांतर्गत बालहक्क सरंक्षण उपक्रमांतर्गत किशोरवयीन बालकांचे स्वास्थ्य व मानसिक आरोग्य मार्गदर्शन,समुपदेशन व लहान बालकांचे आरोग्य तपासणी शिबिर सोयगाव येथील ग्रामीण रुग्णालयात आयोजित करण्यात आले होते. अंगणवाडी सेविकांनी अंगणवाडी मधील कमी वजनाच्या बालकांची सोयगाव ग्रामीण रुग्णालयातील शिबिरात बालकांची आरोग्य तपासणी करण्यात आली. राष्ट्रीय बाल स्वास्थ कार्यक्रमाचे पथकप्रमुख डॉ.रमेश चव्हाण, वैद्यकीय अधिकारी डॉ.शीतल डोके, बालरोगतज्ज्ञ डॉ.अग्रवाल यांनी बालकांची आरोग्य तपासणी केली फार्मासिस्ट आकाश चवरे यांनी बालकांना औषधी वाटप केले. तपासणी शिबीर यशस्वीतेसाठी आरोग्य सेविका व ग्रामीण रुग्णालयातील कर्मचाऱ्यांनी परिश्रम घेतले.या शिबिरास अंगणवाडी सेविकांची उपस्थित होती.